അസിന് ഇനി ഷാരൂഖിന്റെ നായിക
അമീര്‍ ഖാന്റെ നായികയായി ബോളിവുഡില്‍ അരങ്ങേറ്റം കുറിച്ച അസിന് കരിയറില്‍ മറ്റൊരു സുവര്‍ണ നേട്ടത്തില്‍. ബോളിവുഡ്‌ അടക്കി വാഴുന്ന കിങ്‌ ഖാന്റെ നായികയായി ഈ മലയാളി സുന്ദരി പുതിയ ഉയരങ്ങള്‍ കീഴടക്കാനൊരുങ്ങുകയാണ്‌. ഷാരൂഖ്‌ ഖാന്‍ പഞ്ചാബിയായി അഭിനയിക്കുന്ന ചിത്രത്തില്‍ തമിഴ്‌ ബ്രാഹ്‌മണ യുവതിയായ നായികയെയാണ്‌ അസിന് അവതരിപ്പിക്കുക.
ചിത്രത്തില്‍ നായികയാവാന്‍ ബോളിവുഡിലെ മുന്‍നിരക്കാരായ പ്രിയങ്കാ ചോപ്ര, കത്രീനാ കൈഫ്‌, ദീപികാ പദുക്കോണ്‍ എന്നിവരാണ്‌ രംഗത്തുണ്ടായിരുന്നത്‌. ഇവരെയൊക്കെ കടത്തിവെട്ടിയാണ്‌ അസിന് നായിക പദവി സ്വന്തമാക്കിയത്‌. തെന്നിന്ത്യക്കാരി ആണെന്നതു മാത്രമല്ല അസിന് തുണയായത്‌. കമല്‍ഹാസന്റെ ദശാവതാരത്തില്‍ അസിന് ബ്രാഹ്‌മിന്‍ പെണ്‍കുട്ടിയുടെ വേഷം അതിമനോഹരമാക്കിയിരുന്നു. ഇതുകൂടി പരിഗണിച്ചാണ്‌ അസിന് തന്നെ നറുക്ക്‌ വീണത്‌.
ഇതിനു പുറമേ അസിന്റെ ക്ലീന്‍ ഇമേജും രൂപവും കഥാപാത്രത്തിന്‌ അനുയോജ്യമായിരുന്നു. ഇപ്പോള്‍ അവസരങ്ങളുടെ കുറവുള്ള കത്രീനാ കൈഫ്‌ ഈ വേഷത്തിനായി അവസാനം വരെ ശ്രമം നടത്തിയിരുന്നു. വിശാല്‍ ഭരദ്വാജ്‌ ആണ്‌ ചിത്രം സംവിധാനം ചെയ്യുന്നത്‌.നേരത്തെ സെയ്‌ഫ് അലിഖാനെയും പ്രിയങ്കാ ചോപ്രയെയുമാണ്‌ ചിത്രത്തിലേയ്‌ക്കു പരിഗണിച്ചത്‌. എന്നാല്‍ ചില കാരണങ്ങളാല്‍ സെയ്‌ഫ് പിന്‍മാറി. തുടര്‍ന്ന്‌ നായകനായി ഷാരൂഖിന്റെ പേര്‌ വരുകയായിരുന്നു.
ഷാരൂഖിന്റെ കൂടി നായികയാവുന്നതോടെ ഹിന്ദിയിലെ ഖാന്‍ത്രയങ്ങളുടെയെല്ലാം ജോഡിയാവാന്‍ മലയാളി നായികയ്‌ക്ക് കഴിയും. അമീര്‍ഖാന്റെ ജോടിയായി ഗജിനിയിലൂടെ ഹിന്ദിയില്‍ അരങ്ങേറിയ അസിന് തുടര്‍ന്ന്‌ അഭിനയിച്ചത്‌ സല്‍മാന്റെ നായികയായി രണ്ടു ചിത്രങ്ങളിലായിരുന്നു. ലണ്ടന്‍ ഡ്രീംസും റെഡിയും. ഇതില്‍ റെഡി പുറത്തുവരാനിരിക്കുന്നതേയുള്ളൂ. ഹിന്ദിയില്‍ മറ്റു മൂന്നോളം ചിത്രങ്ങളില്‍ക്കൂടി നടി കരാറായിട്ടുണ്ട്‌. ഇടവേളയ്‌ക്കു ശേഷം കാവലനിലൂടെ കോളിവുഡിലേക്ക്‌ അസിന് വീണ്ടുമെത്തിയതിനിടെയാണ്‌ ഷാരൂഖിന്റെ നായികയാകാന്‍ അവസരം ലഭിച്ചത്‌. നേരത്തേ വിജയ്‌ നായകനായ പോക്കിരി എന്ന ചിത്രത്തിനു പിന്നാലെയാണ്‌ ഹിന്ദി ഗജിനിയിലേക്ക്‌ അസിന് കരാറാകുന്നത്‌.
thanks magalam
thanks magalam
Maanu
No comments:
Post a Comment