ഇതിന് പിന്നിലെ രഹസ്യം എന്താണെന്നല്ലേ ഇത്തരക്കാര് വളരെ ആകര്ഷകത്വമുള്ളവരായിരിക്കുമെന്നതുതന്നെ. ഗെറ്റിസ്ബര്ഗ് കോളെജിലെ സൈക്കോളജി പ്രൊഫസര് ബ്രിയാന് മീയറും കൂട്ടരും നടത്തിയ ഗവേഷണങ്ങളിലാണ് ഇക്കാര്യം കണ്ടെത്തിയത്.
വളരെ ഉത്സാഹത്തോടെ സൗഹൃദപരമായി പെരുമാറുന്നവര് അപരിചിതരുടെ ശ്രദ്ധപോലും ആകര്ഷിക്കാന് കഴിവുള്ളവരായിരിക്കുമത്രേ. ഈ പഠനത്തിനായി മീയറും കൂട്ടരും 217 സ്ത്രീ പുരുഷന്മാരെയാണ് പഠനവിധേയമാക്കിയത്.
ഇവരുടെ ചിത്രങ്ങള് തീര്ത്തും അപരിചിതരായ ആളുകളെ കാണിച്ചാണ് പരീക്ഷണം നടത്തിയത്. ഫോട്ടോയില് കാണിച്ച വളരെ കൂള് ആയി പെരുമാറുന്ന സ്ത്രീ പുരുഷന്മാരെല്ലാം ശാരീരികമായി ആകര്ഷകത്വമുള്ളവരാണെന്നാണത്രേ ഈ അപരിചിതര് പറഞ്ഞത്.
ഈ പഠനം കാണിയ്ക്കുന്നത് ശാരീരികമായ ആകര്ഷകത്വവും ഒരാളുടെ പെരുമാറ്റവും തമ്മില് ബന്ധമുണ്ടെന്നാണ്. അട്രാക്ടീവ് ആയ ആളുകളില് ചില ആട്രാക്ടീവ് ആയ ഗുണങ്ങളും ഉണ്ടായിരിക്കും. ഇത്തരം അളുകള് ഫോട്ടോകളില്പ്പോലും ആകര്ഷകത്വമുള്ളവരായിരിക്കും- മീയര് പറയുന്നു.
ഇദ്ദേഹം ഇതുപറയാന് കാരണം എന്താണെന്നല്ലേ ഈ സ്ത്രീ പുരുഷന്മാരുടെ ഫോട്ടോകളെല്ലാം അവര് അറിയാതെയാണ് എടുത്തതെന്നതുതെന്നെ. വളരെ ഫ്രണ്ട്ലിയായ തുറന്നു സംസാരിക്കുന്ന പ്രകൃതമുള്ളവരെല്ലാം ഫോട്ടോഗ്രാഫിലും ആകര്ഷകത്വമുള്ളവരായിരിക്കുമെന്ന് ചുരുക്കം. ഈ പഠനം സംബന്ധിച്ച റിപ്പോര്ട്ട് ജേണല് ഫോര് റിസര്ച്ച് ഇന് പേഴ്സണാലിറ്റിയില് പ്രസിദ്ധീകരിച്ചിട്ടുണ്ട്.
courtesy one india
www.keralites.net |
No comments:
Post a Comment