ടെലിവിഷന്‍ ദൃശ്യങ്ങള്‍ക്ക് സുഗന്ധവും വരുന്നു  ലണ്ടന്‍: ടെലിവിഷനിലും കംപ്യൂട്ടറിലും പൂവിന്റെ സൗന്ദര്യത്തിനൊപ്പം ഇനി മണവും ആസ്വദിക്കാം. ദൃശ്യങ്ങള്‍ക്കൊപ്പം അനുയോജ്യമായ ഗന്ധം പുറപ്പെടുവിക്കുന്ന ഉപകരണം അണിയറയില്‍ തയ്യാറാകുന്നു. കംപ്യൂട്ടറില്‍ ഉപയോഗിച്ചുവരുന്ന സാധാരണ ഇന്‍ക്ജറ്റ് പ്രിന്‍ററില്‍ സുഗന്ധവസ്തുക്കളുപയോഗിച്ചു പരീക്ഷണം നടത്തിയ ജപ്പാനിലെ ടോക്യോയിലുള്ള കെനിചി ഒകഡ ഓഫ് കെയോ സര്‍വകലാശാലയിലെ ഗവേഷകരാണ് ഇതിനു പിന്നില്‍. പ്രിന്‍ററില്‍ ചുവപ്പ്, പച്ച, നീല, കറുപ്പ് എന്നീ നിറങ്ങള്‍ക്കു പകരം നാലു മണങ്ങള്‍ പുറത്തുവിടുന്ന സംവിധാനമാണ് ഇവര്‍ പരീക്ഷിച്ചത്. കുറഞ്ഞ തോതില്‍ പുറത്തുവിടുന്ന ഈ ഗന്ധങ്ങള്‍ ഒരു സെക്കന്‍ഡിന്റെ പത്തിലൊരുസമയം മാത്രമേ നിലനില്‍ക്കൂ. പരീക്ഷണം വിജയിച്ചാല്‍ പ്രിന്‍ററായും ഗന്ധം പുറത്തുവരുന്ന സംവിധാനമായും ഉപയോഗിക്കാന്‍ ഒരേ ഉപകരണം മതിയാകും. ഈ പദ്ധതി ശൈശവാവസ്ഥയിലാണെങ്കിലും ടെലിവിഷന്‍, കംപ്യൂട്ടര്‍ മേഖലയില്‍ വന്‍ വിപ്ലവം സൃഷ്ടിക്കുമെന്നാണ് കരുതുന്നത്. അമ്പതുവര്‍ഷം മുമ്പ് സിനിമാ തിയേറ്ററുകളില്‍ മുപ്പതുതരം ഗന്ധങ്ങള്‍ പുറത്തുവരുന്ന സ്‌മെല്‍ ഓ വിഷന്‍ എന്ന ഉപകരണം പരീക്ഷിച്ചിരുന്നു. ചലച്ചിത്രങ്ങളിലെ നിര്‍ണായക സീനുകള്‍ വരുമ്പോള്‍ അനുയോജ്യമായ ഗന്ധവും പുറപ്പെടുവിക്കുന്നതില്‍ ഇത് വിജയമായിരുന്നെങ്കിലും പിന്നീട് പ്രേക്ഷകര്‍ തന്നെ അതിനെതിരെ രംഗത്തുവന്നു. പലതരം ഗന്ധങ്ങള്‍ തിയേറ്ററില്‍ കെട്ടിക്കിടന്ന് അസ്വസ്ഥത സൃഷ്ടിച്ചതായിരുന്നു ഈ വിദ്യ പരാജയപ്പെടാനുള്ള പ്രധാന കാരണം. Mathrubhumi |
www.keralites.net |
__._,_.___
No comments:
Post a Comment