[www.keralites.net] കള്ള് കൊണ്ടൊരു തുലാഭാരം

കള്ള് കൊണ്ടൊരു തുലാഭാരം

ചെറുവത്തൂര്‍:ഒരു എന്‍.ആര്‍.ഐ വ്യവസായി സ്വര്‍ണ്ണം കൊണ്ട് തുലാഭാരം തൂക്കിയതറിഞ്ഞ് അമ്പരന്ന മലയാളികള്‍ക്ക് കൗതുകം പകര്‍ന്ന് കള്ള് കൊണ്ട് ഒരു തുലാഭാരം. ഇഷ്ട കാര്യം സാധ്യമായാല്‍ ദേവീദേവന്‍മാരുടെ പ്രീതിക്കായി അരി, പഴം, വെണ്ണ, പഞ്ചസാര, പുഷ്പം, അവല്‍, നാളികേരം എന്നിവ കൊണ്ട് തുലാഭാരം പതിവുള്ളതാണ്. എന്നാല്‍ ഇതില്‍ നിന്ന് വ്യത്യസ്തമായി ചെറുവത്തൂര്‍ കണ്ണാടിപ്പാറ മുത്തപ്പന്‍ ക്ഷേത്രത്തിലാണ് മുത്തപ്പ ദേവന്റെ ഇഷ്ട പാനീയമായ കള്ള് കൊണ്ടാരു തുലാഭാരം നടന്നത്.

പിലിക്കോട് ഏച്ചികൊവ്വലിലെ യു.രാജനാണ് മുത്തപ്പ സന്നിധിയില്‍ മകളെ കള്ള് കൊണ്ട് തുലാഭാരം തൂക്കിയത്. കല്ല് വെട്ട് തൊഴിലാളിയായ രാജന്റെയും ബിഡിതൊഴിലാളിയായ ലീലയുടെയും മകള്‍ രാഖി നന്നായി പഠിക്കുമായിരുന്നു. പ്ലസ്ടു കഴിഞ്ഞ ശേഷം ചിക്ക് മാംഗ്ലൂരില്‍ ബി.എസ.സി നഴ്‌സിങ്ങിന് സീറ്റ് ലഭിച്ചു. നാലു വര്‍ഷത്തെ പഠനത്തിന് അഞ്ചുലക്ഷം രൂപയിലേറെ ചെലവു വേണ്ടിവരുമെന്ന് മനസ്സിലാക്കിയ രാജന്‍ വായ്പക്കായി തൊട്ടടുത്ത ബേങ്ക് മാനേജരെ സമീപിച്ചു. രണ്ടു ലക്ഷം രൂപ മാത്രമെ അനുവദിച്ചുള്ളൂ. സാമ്പത്തിക ഭഭ്രത കുറവായ രാജന്‍ മകളുടെ പഠനം മുടക്കമില്ലാതെ പൂര്‍ത്തിയായാല്‍ മുത്തപ്പ സവിധത്തില്‍ കള്ള് കൊണ്ട് തന്നെ തുലാഭാരം തൂക്കി കൊള്ളാമെന്ന് മനമുരുകി പ്രാര്‍ഥിച്ചു.

പല വിധത്തില്‍ സാമ്പത്തിക ബാധ്യതയുണ്ടായെങ്കിലും പഠനം ഉന്നത നിലവാരത്തില്‍ പൂര്‍ത്തിയാക്കി. 29 ന് ജാര്‍ഖണ്ടിലേക്ക് ജോലിക്കായി പോകാനിരിക്കെയാണ് അച്ഛന്റെ പ്രാര്‍ഥന നടത്തുന്നതിനായി കണ്ണാടിപ്പാറ മുത്തപ്പ ക്ഷേത്രത്തിലെത്തി ഒരു തട്ടില്‍ കള്ളുവെച്ച ശേഷം മറുതട്ടില്‍ തൊഴുകൈകളോടെ രാഖിയിരുന്നു. അരങ്ങിലുണ്ടായിരുന്ന മുത്തപ്പന്‍ തെയ്യം അരിയും കുറിയുമിട്ട് അനുഗ്രഹിച്ചു. അപൂര്‍വമായി നടന്ന തുലാഭരം കാണാന്‍ നിരവധി ഭക്തന്‍മാര്‍ മുത്തപ്പ സന്നിധിയിലെത്തി.

-------------------------------------------------------------------------------------------------------------------------------------

Mathrubhumi News
Nandakumar

---

www.keralites.net

__._,_.___

KERALITES - A moderated eGroup exclusively for Keralites...
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.

To unsubscribe send a mail to Keralites-unsubscribe@yahoogroups.com.

Homepage: www.keralites.net

Your email settings: Individual Email|Traditional
Change settings via the Web (Yahoo! ID required)
Change settings via email: Switch delivery to Daily Digest | Switch to Fully Featured
Visit Your Group | Yahoo! Groups Terms of Use | Unsubscribe

__,_._,___