യുക്തി ജയിച്ച രാത്രി
പട്ടി തേങ്ങ പോതിയ്ക്കാന് പുറപ്പെട്ട പോലെ - ആഭിചാര ക്രിയകള് കൊണ്ട് തന്നെ കൊല്ലാന് ശ്രമിച്ചു പരാജയപ്പെട്ട മന്ത്രവാദിയെ പറ്റി സനല് ഇടമറുക് പറഞ്ഞതാണിത്. തന്നെ രാഷ്ട്രീയമായി തകര്ക്കാന് എതിരാളികള് ആഭിചാര പ്രയോഗം ചെയ്യുന്നു എന്ന ഉമാ ഭാരതിയുടെ വാദത്തെ കുറിച്ച് ചര്ച്ച ചെയ്യാന് "ഇന്ഡ്യ ടി.വി." എന്ന ടെലിവിഷന് ചാനലിന്റെ സ്റ്റുഡിയോയില് എത്തിയതായിരുന്നു ഇന്ത്യയിലെ പല ഉന്നത രാഷ്ട്രീയക്കാരുടെയും ബിസിനസ്സുകാരുടെയും സ്വകാര്യ മന്ത്രവാദിയായ പണ്ഡിറ്റ് സുരേന്ദര് ശര്മയും, ഇന്ത്യയിലെ യുക്തിവാദ പ്രസ്ഥാനത്തിന്റെ പ്രമുഖ വക്താവായ സനല് ഇടമറുകും. ചര്ച്ച ചൂട് പിടിച്ചപ്പോള് മന്ത്രവാദം കൊണ്ട് ഒരാളെ തനിക്ക് അപായപ്പെടുത്താനും കൊല്ലാനും കഴിയും എന്ന് പറഞ്ഞ പണ്ഡിറ്റ് സുരേന്ദര് ശര്മ എന്ന മന്ത്രവാദിയോട് ആ വിദ്യ തന്നില് തന്നെ പ്രയോഗിച്ചു കാണിക്കാന് സനല് വെല്ലുവിളിച്ചതോടെയാണ് രസകരമായ സംഭവ പരമ്പരയുടെ തുടക്കം. ആഭിചാര പ്രയോഗങ്ങളുടെ നിരവധി രീതികള് ശര്മ ടെലിവിഷന് പ്രേക്ഷകര്ക്ക് മുന്പില് അവതരിപ്പിച്ചു. ഫോട്ടോ കത്തിക്കുക, ഗോതമ്പ് മാവ് കൊണ്ടുണ്ടാക്കിയ പ്രതിമയെ സൂചി കൊണ്ട് കുത്തി പീഡിപ്പിക്കുക എന്നിങ്ങനെ. എന്നാല് ഇത്തരം പ്രയോഗങ്ങള് അസംബന്ധമാണ് എന്നും ഇതെല്ലാം വെറും അന്ധ വിശ്വാസമാണ് എന്നും പറഞ്ഞ ഇടമറുക് ഇത് സത്യമാണെന്ന് തെളിയിക്കാന് ശര്മയെ വെല്ലുവിളിച്ചു. ഇത്തരം പ്രയോഗങ്ങള് തന്റെ മേലെ തന്നെ പ്രയോഗിക്കാം എന്ന് അറിയിക്കുകയും ചെയ്തു. ഉന്നതന്മാരായ തന്റെ ഇടപാടുകാര് നഷ്ടപ്പെട്ടാലോ എന്ന ഭയത്താല് ശര്മയ്ക്ക് ഈ വെല്ലുവിളി ഏറ്റെടുക്കേണ്ടി വന്നു. കേവലം മൂന്ന് മിനിറ്റ് കൊണ്ട് ഇടമറുകിനെ മന്ത്രം പ്രയോഗിച്ചു കൊല്ലാമെന്നായി മന്ത്രവാദി.
http://www.youtube.com/watch?v=Bmo1a-bimAM
"ഓം ലിംഗലിംഗലിംഗലിംഗ കിലികിലികിലികിലി..." എന്ന മന്ത്രോച്ചാരണ ത്തോടെ മന്ത്രവാദി മൂന്ന് മിനിറ്റ് ആഭിചാര പ്രയോഗം നടത്തിയെങ്കിലും ചിരിച്ച് കൊണ്ട് ഇതെല്ലാം വെറും അസംബന്ധമാണ് എന്ന് പറഞ്ഞു സനല് ഇടമറുക്.
http://www.youtube.com/watch?v=NpwCuv_izn4
അവസാനം സനല് പൂജിക്കുന്ന ദൈവങ്ങളുടെ സംരക്ഷണം കൊണ്ടാണ് അദ്ദേഹത്തിന് ഒന്നും സംഭവിക്കാത്തത് എന്നായി മന്ത്രവാദി. രാത്രി പതിനൊന്നു മണിക്ക് നടത്തുന്ന പ്രത്യേക ആഭിചാര കര്മ്മങ്ങളില് പങ്കെടുത്താല് ശക്തമായ വിധികള് പ്രയോഗിക്കാം എന്നും, അതില് സനലിനെ അപായപ്പെടുത്താം എന്നും ശര്മ അറിയിച്ചു.
http://www.youtube.com/watch?v=t9taL2vcOJ0
ഇത് പ്രകാരം രാത്രി ശര്മ തയ്യാറാക്കിയ മാന്ത്രിക സന്നാഹങ്ങളുടെ ഇടയില് സനല് ഇരിക്കുകയും, പൂജാ മന്ത്രങ്ങള് ആരംഭിക്കുകയും ചെയ്തു. ഇത്തവണ മന്ത്രങ്ങള് ഉരുവിടാനായി വേറെയും സഹായികള് ഉണ്ടായിരുന്നു. 40 മിനിട്ടോളം നീണ്ടു നിന്ന "ഘോരമായ" ആഭിചാര പ്രയോഗങ്ങളുടെ അവസാനം, ഇപ്പോള് എന്ത് തോന്നുന്നു എന്ന മന്ത്രവാദിയുടെ ചോദ്യത്തിന്, "ഇത്തരം മന്ത്രവാദ പ്രയോഗങ്ങളെല്ലാം വെറും അന്ധ വിശ്വാസമാണ് എന്ന് ഇപ്പോള് തനിക്ക് കൂടുതല് വ്യക്തമായി" എന്ന് സനല് ഇടമറുക് അറിയിച്ചു. ഈ പരീക്ഷണത്തിന്റെ പരാജയത്തോടെ, ഒട്ടേറെ പേര്ക്ക് ഇത് ബോധ്യമായിട്ടുണ്ടാവും എന്നും, ഇത്തരം അന്ധ വിശ്വാസങ്ങള് ഇന്ത്യയില് നിന്നും തുടച്ചു മാറ്റാനുള്ള ശ്രമങ്ങള്ക്ക് ഇത് സഹായകരമാകും എന്നും അദ്ദേഹം പ്രത്യാശ പ്രകടിപ്പിച്ചു.
Best Regards,
Ashif.v dubai uae
www.keralites.net |
__._,_.___
No comments:
Post a Comment