ഏഷ്യാനെറ്റ് മഞ്ച് സ്റ്റാര്‍ സിംഗര്‍ ഫൈനല്‍ വേദിയില്‍ വെച്ച് തന്നെ ജഗതി ശ്രീകുമാര്‍ അപമാനിക്കുകയും അധിക്ഷേപിക്കുകയും ചെയ്തുവെന്ന് പ്രശസ്ത അവതാരക രഞ്ജിനി ഹരിദാസ്. 'അഭിപ്രായ സ്വാതന്ത്ര്യം' എന്ന വിഷയത്തെ അധികരിച്ച് 'ഡെക്കാന്‍ ക്രോണിക്കിള്‍' എന്ന ഇംഗ്ലീഷ് പത്രത്തില്‍ എഴുതിയ കുറിപ്പിലാണ് ജഗതിയെ രഞ്ജിനി ഹരിദാസ് രൂക്ഷമായി വിമര്‍ശിക്കുന്നത്.
തിരുവനന്തപുരത്തെ നിശാഗന്ധി ഓപ്പണ്‍ എയര്‍ ഓഡിറ്റോറിയത്തില്‍ നടന്ന മഞ്ച് സ്റ്റാര്‍ സിംഗര്‍ ഫൈനലിലാണ് രഞ്ജനിയുടെ ഭാഷാപ്രയോഗങ്ങള്‍ക്കും തലക്കനത്തിനും എതിരെ ജഗതി ആഞ്ഞടിച്ചത്. ഒരു പ്രമുഖ റിയാലിറ്റി ഷോയുടെ അവതാരക പലപ്പോഴും വിധികര്‍ത്താവ് ചമയാറുണ്ട് എന്നായിരുന്നു ജഗതി തുറന്നടിച്ചത്. രഞ്ജിനിയുടെ ചില ആക്ഷനുകള്‍ ജഗതി അനുകരിച്ച് കാട്ടുകയും ചെയ്തു. ഈ സമയം സ്റ്റേജില്‍ ജയറാം, നവ്യ നായര്‍, ഏഷ്യാനെറ്റ് ചീഫ് മാധവന്‍ എന്നിവരോടൊപ്പം രഞ്ജിനിയും ഉണ്ടായിരുന്നു.
അവസാനം ജഗതിയുടെ പക്കല്‍ നിന്ന് മൈക്ക് തിരിച്ചു കിട്ടിയപ്പോള്‍ ഇന്ന് രഞ്ജിനി ദിനമായി പ്രഖ്യാപിക്കമെന്നും താനിത് ചോദിച്ച് മേടിച്ചതാ മേടിച്ചതാണെന്നും രഞ്ജിനി പറഞ്ഞു. ഞായറാഴ്ച നടന്ന ഫൈനലിന്റെ തത്സമയ സംപ്രേക്ഷണത്തില്‍ ജഗതിയുടെ വിമര്‍ശനം മുഴുവന്‍ ഏഷ്യാനെറ്റിന് സംപ്രേക്ഷണം ചെയ്യേണ്ടിവന്നു. എന്നാല്‍ സ്വാതന്ത്ര്യദിനത്തിലെ റീടെലികാസ്റ്റിംഗ് ഈ രംഗങ്ങള്‍ എഡിറ്റിംഗിലൂടെ ഏഷ്യാനെറ്റ് വെട്ടിമാറ്റി.
തന്നെ വിമര്‍ശിച്ചത് ആളാകാനാനുള്ള ജഗതിയുടെ തന്ത്രമായിരുന്നു എന്നാണ് ഡെക്കാന്‍ ക്രോണിക്കിലെ കുറിപ്പില്‍ രഞ്ജിനി ആരോപിക്കുന്നത്. അഭിപ്രായം പറയാനുള്ള സ്വാതന്ത്ര്യം ദുരുപയോഗപ്പെടുത്തിക്കൊണ്ട് ജഗതി തന്നെ പൊതുജനങ്ങളുടെ മുമ്പില്‍ വച്ച് അപമാനിക്കുകയായിരുന്നു എന്നും രഞ്ജിനി ആരോപിക്കുന്നു.
www.keralites.net |
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.
To unsubscribe send a mail to Keralites-unsubscribe@yahoogroups.com.
Homepage: www.keralites.net
No comments:
Post a Comment